Hvers frekar getur sonur óskað frá móður sinni ?

Ég hélt upp á fimmtugsafmæli mitt í janúar og fékk frá móður minni eftirfarandi vísu í tilefni dagsins:

Í tilefni dagsins tileinka ég þér,

taktinn í mínu hjarta,

sem brennheitar sendir bænir frá mér,

um auðnu og framtíð bjarta.

 

 

Ólafur heit ég umboðsmaður Sólarinnar

Ég legg til að embætti ríkislögreglustjóra fái Ólaf úr Næturvaktinni til að halda námskeið vítt og breitt um landið. Námskeiðin væru kostuð af Ríkinu og féllu undir forvarnarfulltrúa Ríkisins. 

Varað við fjársvikabréfum

Íþróttamaður ársins 2007 ?

Þeir sem stjórna vali á íþróttamanni ársins 2007; munu vonandi taka Birgi Leif sterklega inn í myndina þegar kemur að valinu á Íþróttamanni ársins 2007. Hann hefur sýnt okkar að ótrúlega miklu er hægt að afreka með einbeittum og sterkum vilja. Hugprýði hans er öðrum íþróttamönnum okkar til hvattningar.

Þeir sem fylgjast eitthvað með golfi gera sér grein fyrir hversu smátt nálaraugað er sem Birgi Leif tókst að komast í gegnum í gær; í annað sinn á rétt rúmu ári. Að fá að fylgjast með því svona í beinni eins og kylfingur.is bauð upp; á er frábært. Að sjá svo með eigin augum vippið fyrir fugli á 16.  eftir að hafa lesið lýsingu þeirra Suðurnesjamanna var frábært.

Nú hefur Birgir Leifur sett upp öðruvísi áætlun en í fyrra þ.s. hann hvíldi nokkur lengi eftir að hann vann sér inn keppnisréttin á Evrópumótaröðinni. Nú fer hann mun fyrr í sitt fyrsta mót. Á þetta fyrsta mót mætir hann með sigur á 2.stigi úrtökumótsins og síðan þennann frábæra árangur á lokamótinu. Mitt álit er að hann hafi aldrei verið tilbúnari til frekari afreka en akkúrat núna og vonandi gengur það eftir.

 

 

Birgir byrjar keppnistímabilið í Suður-Afríku

Fyrirvari á þessari frétt-því miður

Það eru 2 skorborð sem eru uppfærð á þessari slóð. Rétt er að á aðalskorborðinu er Birgir Leifur skráður með örn á 2.holu en á öðru skorborði sem er " Live scoring console " er hann skráður með fugl á 2.holu og skolla á 3.holu sem þýddi þá að hann væri á pari í dag.

Óskandi að það sé rangt og að hann hafi fengið örn á annarri og sé skollalaus aftie 3.holu.

Birgir: „Síðari 9 holurnar voru erfiðar í dag“

Ekki rétt að Birgir Leifur þurfi að sigra til að halda keppnisréttinum á Evrópumótaröðinni

Það er ánægjulegt að Birgir Leifur skuli hafa komist inn á síðasta mótið. Hann vantar € 134.626 í verðlaunafé til þess að ná 115.sæti listans. Á Mallorca Classic eru €  333.330 fyrir 1.sæti og € 222.220 fyrir annað sætið. Því er ljóst að Birgi Leif dygði 2.sætið og má deila 2.sætinu með 2 öðrum til þess að halda keppnisrétti sínum á Evrópumótaröðinni.

Þó svo að líkurnar séu ekki miklar á að þetta takist er aldrei að vita. Í öllu falli er þetta góð reynsla og leikæfing þ.s. nú fer að styttast í 2.stig úrtökumótsins sem Birgir Leifur þarf væntanlega að fara í gegnum.

Birgir fékk óvænt keppnisrétt á Mallorca

Ný gjaldeyrisöflun fyrir okkur Íslendinga ?

Það er þetta með hreysiköttin í Indónesíu. Hann er frekar sjaldgæfur í dýraríkinu ekkert ósvipað og við Íslendingar í mannhafi heimsbyggðarinnar. Getum við Íslendingar ekki notað hitan okkar og rafmagn til að rækta svona tré ? Síðan getum við boðið fólki að borða frítt af trjánum gegn því að það sem kemur niður af fólki sé í okkar eigu. Þetta væri mjög atvinnuskapandi þ.s. ég geri ráð fyrir að þetta sé mannaflsfrekt.  Við fáum svo lambakjöts- og skyrmarkaðsfræðinginn, hann Baldvin til að markaðssetja í útlandinu nýjar kaffibaunir sem koma niður af Íslendingum. Þannig gætum við boðið upp á margar bragðtegundir. Kaffi búið til úr baunum sem hafa farið í gegnum meltingarvef framsóknarmanna, sjálfstæðismanna; já og fróðlegt væri að smakka af vinstri grænum !

Við gætum sett upp bragðpanel þ.s. við athuguðum hvort einhver bragðmunur væri á þeim sem eiga meira en miljarð og hinsvegar þeim sem lifa á yfirdrætti.

Ein tegundin gæti kallast nýbúakaffi.

Frjálslyndi flokkurinn gæti sett það á stefnuskrá sína að enginn fái íslenskan ríkisborgararétt nema að kunna íslensku og hafa komið 100 kg af kaffibaunum í gegnum meltingarveginn.

 

 

 

 

 

 

Afkomandi Egils Skallagrímssonar ?

Við Íslendingar ættum ekki að hneykslast á svona fréttum þ.s. Egill okkar Skallagrímsson gerði þetta forðum daga. Hann hinsvegar lét sér nægja annað augað ! Fékk engan fangelsisdóm fyrir og engum datt í hug að elta hann uppi fyrir réttvísina. Það kæmi mér ekkert á óvart ef hann hefur skilið eftir sig DNA hér og þar; þar sem hann lagðist í víking. Spurning hvort þessi maður er einn af afkomendum hans ?

Dæmdur í 30 ára fangelsi fyrir að rífa augun úr eiginkonu sinni

Vel heppnuð auglýsingaherferð ?

Framan á Morgunblaðið í morgun var límdur auglýsingasnepill frá Heimsferðum.

" Morgunblaðið í samstarfi við Heimsferðir, býður áskrifendum sínum frábært tilboð í þriggja nátta helgarferð í beinu flugi til Búdapest 4.maí. " Síðan er borgin dásömuð og get ég tekið undir það allt saman þ.s. ég dvaldi þar í nokkra daga fyrir 2 árum.

Það sem vakti hinsvegar athygli mína var að fyrsta frétt á mbl.is í morgun var " Óeirðir brutust út í Búdapest " og mynd með sem við fyrstu sín virðist sína Búdapest í ljósum logum !

Jafnframt er sagt að 100.000 manns hafi tekið þátt í óeirðunum !

Gaman væri að heyra frá Heimsferðum hve margir hafa bókað sig í þessa ferð í morgun ?

Óeirðir brutust út í Búdapest

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.