Mismunandi fréttaumfjöllun um Gaza í hnotskurn

 

Myndin á konunum 2 á forsíðu Bandaríska blaðsins " The Washington Post " í síðustu viku; sýnir í hnotskurn hvernig flestir fjölmiðlar þar í landi fjalla um átökin á Gaza.

Á annarri myndinni sést Palestínsk móðir sem hafði misst 5 börn sín. Á hinni var nánast jafn stór mynd af Ísraelskri konu sem leið illa vegna átakanna.

Palestínska konan heldur á eina eftirlifandi barni sínu; grátandi með áverka á andliti.

Ísraelska konan sem ekki virðist vera særð á neinn hátt grætur einnig.

Flestir eru sammála um að Ísraelsmenn munu ekki slá neitt af í ofríki sínu gagnvart Palenstínsku þjóðinni; öðruvísi en að Bandaríkjamenn neyði þá til þess.

Bandaríkjamenn munu varla beita hörku gagnvart Ísraelsmönnum á meðan að almenningur beitir ekki þrýstingi. Sá þrýstingur mun ekki aukast að neinu ráði á meðan Amerísku fréttastöðvar flytja fréttirnar út frá sjónarhorni aðalbandamanna Bandaríkjanna.  

Herleiðing undirbúin ?

Er Bandaríkjastjórn að undirbúa að Gyðingar verði herleiddir til Babýlon aftur ?

Það yrði e.t.v.friðvænlegra fyrir botni Miðjarðarhafs fyrir vikið !

Babýlon rís á ný

Stríðsglæpir !

Stríðsglæpamenn Serba voru hundeltir árum saman og hafa flestir verið ákærðir fyrir dómsstólum.

Í gær fundust börn hálf meðvitundarlaus í húsi þar sem þau höfðu hafst við í nokkra daga án matar og vatns. Lágu við hlið látinna mæðra sinna. Ísraelski herinn vissi af þessu og voru einungis í 80 m fjarlægð allan tíman og gerðu ekki neitt.

Fólki er safnað saman og það sprengt í loft upp.

Á einni fréttastöðinni fullyrtu sérfræðingar í hervopnum að Ísraelsmenn notuð phosfat sprengjur. Þetta eru þær sprengjur sem við sjáum á myndum rigna úr herþotunum yfir Gaza. Þær eru sérstaklega hannaðar til að brenna þá sem verða fyrir. Þessi vopn eru bönnuð samkv.alþjóðalögum.

Sjálfboðaliðinn sem var að flytja vistir í gær fyrir Sameinuðu þjóðirnar var skotinn til bana. Þrátt fyrir að 3 tíma vopnahlé væri og Ísraelsmenn vissu nákvæmlega um ferðir bílsins. Sjálfboðaliðinn sem lést var 5 barna faðir. Félagi hans sem var í bílnum særðist en eftir aðhlynningu hélt hann áfram.

Verða gefnar út jafn margar bækur um þessa atburði og aðra svipað og um helför Gyðinga ? Já og hvað um allar bíómyndirnar ? Tilgangur allra þessara sagna og bíómynda var að koma í veg fyrir aðra helför. Var það bara til að koma í veg fyrir aðra helför Gyðinga ? Nei - ég held að höfundar hafi átt við alla.

 

 

 

 

Hver mun ákæra Ísraelsmenn ?

Sprengdu hús fullt af fólki

Gaza - er konan á lífi ?

Á Bandarískri fréttastöð var viðtal í fyrrakvöld við Ísraelska konu. Viðtalið var tekið fyrir framan hús hennar í bænum Ashqelon; rétt fyrir norðan Gaza. Í baksýn mátti sjá einbýlishús hennar. Farið var að skyggja; þannig að sjálfvirku úðararnir voru byrjaðir að vökva iðagrænt grasið. Garðurinn var alsettur fallegum blómstrandi blómum. Konan lýsti því hversu mikill hryllingur það væri að lifa í eilífum ótta við flugskeytaárásir Hamas. Bara fyrir nokkrum vikum síðan, særðist nágranni hennar illa, sem býr í nokkur hundruð metra fjarlægð frá henni. " Það er nauðsynlegt að ráðast inn á Gaza og gera út af við Hamas í eitt skipti fyrir öll " sagði hún. Bara í gær féll flugskeyti í þar næstu götu. " Það sprakk reyndar ekki en sínir við hvaða ógn við megum búa við.

Á fréttastöðinni Aljazeera var viðtal Palestínska konu. Hún hafði leitað skjóls í skólabyggingu Sameinuðu þjóðanna. Hún hafði fyrr um daginn misst 7 ára dreng sinn. Hún hafði bannað honum að leika á götunum. Hann hafði þess í stað klifrað upp á bygginu með vini sínum. Þar léku þeir sér með því að sparka bolta á milli sín. Ísraels herþota skaut á bygginguna og grófust báðir drengirnir undir henni. Þarna hafðist hún við ásamt 4 börnum sínum sem enn voru á lífi auk fjölda annarra mæðra sem leitað höfðu skjóls með börn sín í sama tilgangi. Þarna var vatn af skornum skammti og matarbirgðir að verða uppurnar. " Af hverju getum við ekki lifað eðlilegu lífi eins og allir í nágrannalöndum okkar " ? "Eina sem við erum að biðja um er að fá að lifa eðlilegu lífi og að við þurfum ekki að fá mat og vistir sem Ísraelskar eftirlitsstöðvar hleypa í gegn eftir eigin geðþótta " ! Í bakgrunni mátti sjá fjölda barna grátandi með skelfingarsvip greyptan í  andliti.

Í fréttum beggja ofangreindra fréttastöðva var frétt í gærkvöldi þ.s. sagt var frá sprengjuárásum Ísraelsmanna á skólabygginu Sameinuðu þjóðanna. Reyndar voru árásir á 3 slíkar byggingar. Í aðeins einni af þessum byggingum fórust 40 manns auk fjölda alvarlega slasaðra.

Örlög Palenstínsku konunnar og eftirlifandi 4 barna hennar veit ég ekki um. Hætt er við að enn stærri skörð hafi verið höggvin í hennar fjölskyldu.

Flestir eru sammála um að Ísraelsmenn munu ekki slá neitt af í ofríki sínu gagnvart Palenstínsku þjóðinni; öðruvísi en að Bandaríkjamenn neyði þá til þess.

Bandaríkjamenn munu varla beita hörku gagnvart Ísraelsmönnum á meðan að almenningur beitir ekki þrýstingi. Sá þrýstingur mun ekki aukast að neinu ráði á meðan Amerísku fréttastöðvar flytja fréttirnar út frá sjónarhorni aðalbandamanna Bandaríkjanna. Vonandi er þessi frétt um árásina á skóla Sameinuðu þjóðanna sem sagt var frá í Amerísku fréttasöðunum; merki um að einhverra breytinga sé að vænta í fréttaflutningi. Það er grunnforsenda til þess að vænta megi einhverra grundvallarbreytinga í afskiptum Bandaríkjanna í þessari langvinnu deilu. 

 

 

Davíð mun sitja áfram

Davíð heldur báðum stjórnarflokkunum í gíslingu. Sjálfstæðisflokkurinn mun aldrei flæma hann úr stól Seðlabankastjóra; minnugir þess hvaða afleiðingar það hafði er þeir flæmdu Albert heitinn Guðmundsson burt á sínum tíma. Niðurstaðan á þeim tíma var að svokallaður " hulduher " fór af stað og náði miklu fylgi og mörgum þingmönnum. Mest á kostnað Sjálfstæðisflokksins en töluverðu frá öðrum flokkum líka. Munurinn núna yrði sá að Davíð hefur ekki " bara " til síns málflutnings að hann hafi verið flæmdur úr Seðlabankanum og þar með sjálfkrafa Sjálfstæðisflokknum. Hann hefur varað við falli bankanna svo lengi og gagnrýnt opinberlega " spákaupmennina " og óreiðumennina. Það væri auðvelt fyrir hann að færa rök fyrir því að Seðlabankinn hefði ekki getað tekið sterkar til orða en hann gerði í sinni skýrslu í Maí. Ef Seðlabankinn hefði sagt hreint út hvernig staðan var; hefði það getað leitt til falls bankanna ! Eftir á séð hefði það auðvitað verið bezt !Hann myndi skýra fyrir þjóðinni hvað hefði orðið ef Seðlabankinn hefði byggt upp fimm til sexfaldan gjaldeyrisvarasjóð og lánað útrásarvíkingunum með veði í " ástarbréfum " í formi " Stím,Stoðir, FL bréfum osfrv. Staða þjóðarbúsins væri hrikaleg og það er erfitt fyrir nokkurn mann að andmæli þeirri staðhæfingu.  Samfylkingin gerir ekkert annað en gagnrýna Davíð á opinberan hátt en þorir ekki að taka skrefið til fulls. Vonast til að Sjálfstæðisflokkurinn sjái um það. Sagan sínir að sá flokkur sem brýtur upp stjórnarsamstarf á, á brattan að sækja í kosningum sem á eftir fylgja. Sú skoðun á vaxandi fylgi að fagna með þjóðinni að núverandi stjórnarflokkar eigi að axla ábyrgð og koma okkur út úr mestu vandræðunum. Því er hætt við að stjórnarslit gætu komið hressilega í bakið á Samfylkingunni. Andstæðingar Samfylkingarinnar fengju með því óvænt upp í hendurnar beitt vopn gegn flokknum. Davíð hefur fullyrt að hann hafi átt fund með formönnum flokkanna og að hann hafi sagt að það væru 0% líkur á að bankarnir stæðu af sér storminn. Þetta á hann að hafa sagt í Júní. Ingibjörg Sólrún hefur sagt að enginn fundur hafi verið þá en hinsvegar fundur í Júlí. Ég er sannfærður um að Davíð hrasar ekki á svona atriðum og hann sé með nákvæma tímasetningu og hljóðupptöku ef um símtal hefur verið að ræða. Þetta kæmi upp á yfirborðið ef hann er hrakinn úr Seðlabankanum. Ef satt er hjá honum yrði það í meira lagi óþægilegt fyrir Ingibjörgu sem og Geir auðvitað. Mín skoðun er því sú að Davíð mun sitja áfram.

Silfur Davíðs

 

Sagan endurtekur sig í sífellu og kom mér í hug eftirfarandi tilvitnun  í Egils sögu: 

Það var um sumarið er menn bjuggust til þings þá beiddi Egill Grím að ríða til þings með honum. Grímur tók því seinlega. Og er þau Grímur og Þórdís töluðust við þá sagði Grímur henni hvers Egill hafði beitt " vil eg að þú forvitnist hvað undir mun búa bæn þessi ". Þórdís gekk til máls við Egil frænda sinn. Var þá mest gaman Egils að ræða við hana. Og er hún hitti hann þá spurði hún: " Er það satt frændi er þú til þings vilt til ríða ? " Vildi eg að þú segðir mer hvað væri í ráðagerð þinni ". " Eg skal segja þer ", kvað hann " hvað eg hefi hugsað " Eg ætla að hafa til þings með mér kistur tvær er Aðalsteinn konungur gaf mér er hvorttveggi er full af ensku silfri. Ætla eg að láta bera kisturnar til Lögbergs þá er þar er fjölmennast. Síðan ætla ég að sá silfrinu og þykir mér undarlegt ef allir skipta vel sín í milli. Ætla eg að þar mundi vera þá hrundningar eða pústrar eða bærist að um síðir að allur þingheimurinn berðist ". Þórdís segir " Þetta þykir mér þjóðráð og mun uppi meðan landið er byggt "

Það er nokkuð ljóst að Þórdís á sér skoðunarbræður í nútímanum. 

Fari Davíð fram má allt eins búast við miklu fylgi með ófyrirsjáanlegu fylgistapi annarra flokka. Því er erfitt að sjá að stjórnarflokkarnir þori að hreyfa við honum

 

Miserfitt að hætta í pólitík

Stofnum nýjan banka í Bretlandi !

Þessi sæðisskortur í Bretlandi gefur okkur aldeilis nýja möguleika ! Við stofnum Íslenskan sæðisbanka í Bretlandi. Semjum við Bresk stjórnvöld um; að hver Bresk kona sem verður þunguð af sæði fengnu úr Íslenska sæðisbankanum lækki skuldir okkar vegna ICESAVE reikningana.

Til að fá Íslenska sæðisgjafa geta stjórnvöld sent öllum Íslenskum karlmönnum herútboð. Það er enginn alvöru her á Íslandi. Þessir hermenn sem bæru uppi " Íslenska sæðisherinn " yrðu hetjurnar okkar. Við gætum sett þennan her undir dómsmálaráðuneytið. Þá fengi Björn Bjarnason loksins að sjá draum sinn rætast um að stjórna alvöru her.

Sæðisgjafa skortir í Bretlandi

Takk Færeyjar !

Ekki rétt ?

 

Á heimasíðu alþjóðagjaldeyrissjóðsins er að finna dagskránna framundan. Ísland sem umfjöllunarefni á morgun hefur verið tekið út og ekki er að sjá að þriðjudagur hafi verið settur inn í staðinn ! Eins og sjá má hér að neðan er umsókn Ungverjalands tekin fyrir í dag og El Salvador miðvikudaginn 12.nóv. Ef taka á fyrir umsókn Íslands á þriðjudag ætti það að vera komið inn á dagskránna - er það ekki ?

 

IMF Executive Board Calendar

As part of the Fund's increased transparency, the tentative calendar of the formal meetings and seminars of the Executive Board for the next seven days is shown below.

Please note that the calendar is subject to change, and that the agenda for each meeting is typically finalized the day before the meeting. The calendar posted below contains the latest available information.

An IMF Executive Board Calendar Archiveis also available.

Last Update: October 30, 2008 14:07:58 ET

Sort By:   Date | Country  

November 6, 2008 November 12, 2008

Country: Hungary

Title: Request for Stand-By Arrangement

Country: El Salvador

Title: 2008 Article IV Consultation

IMF-beiðni frestað

Hafði Davíð þá rétt fyrir sér ?

Er þetta ekki það sem Davíð var búinn að segja frammi fyrir alþjóð ?

Eru þetta ekki fjárglæframennirnir, spákaupmennirnir og kaupahéðnarnir sem hann lýsti ?

Veðjuðu á veikingu krónunnar