krissi46

Af hverju takið þið ekki næsta skref sem í fellst raunveruleg kjarabót ?

Olíufélögin eru að moka inn seðlum með ofurálagningu á eldsneyti.

Álagning þeirra hefur aukist um ca kr 40/lítra á síðustu 3 árum !

Þessar kr 40/lítra væru ekki bara sparnaður neytenda við eldsneytiskaup; heldur myndi lækkun á eldsneyti fara beint í vísitöluna og lækka þannig gífurlega greiðslubyrði fólks og fyrirtækja í landinu.

Eins og ég hef áður bent á í skrifum mínum; þá er ástæðan fyrir þessari miklu álagningu olíufélaganna; skuldsett yfirtaka. Flest olíufélögin voru keypt fyrir morðfé af olíufurstunum sem gengu um Öskjuhlíð um árið og ræddu sín á milli hvernig þeir gætu svínað sem mest á neytendum.

Þessi skuldsetta yfirtaka hefur síðan verið hlammað ofan á herðar neytenda og skuldsettra heimila landsins.

Fólkið sem felldi síðustu ríkisstjórn hefur sínt mátt sinn og er fullfært um að knýja olíufélögin til að lækka okurálagninguna á eldsneyti. 

Var það ekki Þorgerður Katrín sem var hneyksluð yfir ummælum Davíðs Oddssonar um að nú væri rétt að mynda þjóðstjórn. ? Síðan eru að verða 4 mánuðir ! Af hverju hverju hlustaði enginn ???? Reynslumesti og færasti stjórnmálamaður þjóðarinnar fyrr og síðar; hvað sem segja má um hæfileika hans í stól Seðlabankastjóra.

	Vinstri grænir reiðubúnir til viðræðna
Ábyrgðarmaður færslu Tilkynna um óviðeigandi tengingu við frétt

Vöruskipti við útlönd í des sl voru jákvæð upp á heila 24 miljarða, sem er met. Geir Haarde finnst að ÍKR hefði átti að styrkjast meira miðað við þetta.

Þetta finnst mér einkennileg ummæli og hreinlega skil ekki. Vara sem við flytjum út í des er að lang stærstum hluta lánuð í a.m.k. 30 daga. Í mörgum tilfellum 30 daga eftir að varan hefur verið afhent kaupanda. Því skilar gjaldeyririnn sem útflutningur í des skapaði, sér ekki til Islands fyrr en í janúar og stór hluti ekki fyrr en í febrúar.

Öll fyrirtæki á landinu sem flytja inn vöru, þurfa væntanlega að staðgreiða hana þ.s. enginn erlendur birgi er tilbúinn að lána Íslensku fyrirtæki. Fyrir bankahrun höfðu þessi fyrirtæki; nánast öll; 30 og upp í 90 daga greiðslufrest. Því mun erlendur gjaldeyrir sem, þjóðin skapar, streyma meira út fyrir vikið þar til jafnvægi hefur komist á.

Lögin sem Geir og hans ríkisstjórn hefur sett um gjaldeyrisviðskipti koma algerlega í veg fyrir að svona jákvæðar fréttir um vöruskiptajöfnuð skili sér samdægurs út í gengisvísitöluna. Í ljósi þessa er ekki hægt að segja annað en þau séu merki um fákunnáttu.

Ísland er orðið að einu stóru stofufangelsi.

Hinn almenni borgari hefur verið dæmdur til að sitja inni. Hann veit bara ekki upp á hve langan tíma dómurinn hljóðar.

Eignir hins almenna borgara liggja yfirleitt í húsnæði, bifreiðum og einhverjum sparnaði.

Húsnæði er nánast óseljanlegt; auk þess sem það er að falla í verði og engin veit hvenær því linnir. Bifreiðar hafa fallið í verði og eru nánast óseljanlegar. Sparnaður stórs hluta þjóðarinnar rýrnaði gífurlega við fall bankanna. Að lokum hefur fall bankanna leitt til þess að hver einasti þjóðfélagsþegn hefur í raun fengið greiðsluseðill sendan heim. Höfuðstóll ca 5 milj og vextir reiknast frá gjalddaga.

Þeir sem enn eiga eitthvað eftir hamfarirnar komast ekki af landi brott með eigur sínar. Vegna gjaldeyrishaftanna er ekki hægt að skipta krónum í erlenda mynt nema að takmörkuðu leiti og senda umsókn til Seðlabankans.

Erlendir bankar og fjárfestingasjóðir sem áður trúðu á Ísland hafa einnig verið dæmdir til að sitja í stofufangelsinu Íslandi. Þeir eiga um 600 miljarða í krónubréfum og geta ekki skipt krónunum í erlenda mynt vegna gjaldeyrishaftanna. Engin getur svarað hve lengi þeir þurfa að sitja inni.  Ekki ósvipað þeim ólukku mönnum sem fyrir 7 árum var komið fyrir á Guantanamo á Kúpu.

Kaupfélag austur á fjörðum fékk samkeppni á staðinn fyrir nokkrum áratugum síðan þ.s. einstaklingi datt í hug að opna verzlun. Hjá Kaupfélaginu vann þorri íbúa staðarins þ.s. Kaupfélagið átti nánast allt á staðnum þ.á.m. frystihúsið. Kaupfélagið greyp þá til þess ráðs að greiða fólki út í Kaupfélagskrónum. Þær var ekki hægt að nota nema bara í Kaupfélaginu. Ekki liðu nema nokkrar vikur þar til samkeppnisaðilinn varð gjaldþrota.

Í okkar stóra stofufangelsi eru notaðar Kaupfélagskrónur og þær er ekki hægt að nota annars staðar en á Íslandi.