Íslenskt réttlæti í hnotskurn !

Heilt frumvarp er samið með flýti til þessa eins að flæma Davíð Oddsson úr Seðlabankanum.

Ungur maður er dæmdur í 30 daga fangelsi í Héraðsdómi Reykjanes,19.febrúar sl. fyrir að hafa stolið rakspíra að verðmæti kr 7.114 þann 10.okt sl.úr verzlun Hagkaupa í Smáralind ! Eigendur hagkaupa eru fljótir að fá dæmt í sínum málum ( Sjá dóm í heild sinni hér fyrir neðan).

Menn hafa labbað á skítugum skónum inn og út úr bönkunum 3 sem féllu og tæmt allar hirslur og gott betur ! Lánað stórfé erlendum aðilum sem eru með varnarþing á aflandseyjum.

Íslensk yfirvöld hafa haft á fimmta mánuð til að rannsaka og ákæra m.a. ábendingar frá Davíð Oddsyni en enn hefur enginn verið ákærður og hvað þá sakfelldur. Eitt geta þó stjórnvöld lært af eigendum Hagkaupa og það er; að hægt er að vinna hratt og vel í okkar réttarfarsríki.

D Ó M U R

Héraðsdóms Reykjaness fimmtudaginn 19. febrúar 2009 í máli nr. S-2/2009:

Ákæruvaldið

(Dagmar Ösp Vésteinsdóttir ftr.)

gegn

Gunnari Ásgeiri Einarssyni

 

            Mál þetta, sem dómtekið var í dag, er höfðað með ákæru lögreglustjórans á höfuðborgarsvæðinu, útgefinni 6. janúar 2009, á hendur Gunnari Ásgeiri Einarssyni [kennitala og heimilisfang] „fyrir þjófnað, með því að hafa föstudaginn 10. október 2008, í verslun Hagkaupa, Smáralind, Kópavogi, stolið rakspíra af gerðinni D&G men, að verðmæti 7.114 krónur.

            Telst þetta varða við 244. gr. almennra hegningarlaga nr. 19/1940.“

            Í ákæru er þess krafist að ákærði verði dæmdur til refsingar.

                                                                        I.

            Ákærði hefur fyrir dómi skýlaust viðurkennt að hafa gerst sekur um þá háttsemi, sem honum er gefin að sök í ákæru. Telst sannað með þeirri játningu og framkomnum sakargögnum að öðru leyti að ákærði hafi, föstudaginn 10. október 2008 í verslun Hagakaupa í Smáralind í Kópavogi, framið það brot sem lýst er í ákæru og er verknaður hans þar réttilega heimfærður til refsiákvæða.

                                                                        II.

            Ákærða var 5. október 2004 gerð sektarrefsing fyrir þjófnaðarbrot. Refsing hans nú þykir hæfilega ákveðin fangelsi í 30 daga, en rétt þykir að fresta fullnustu hennar og skal hún falla niður að liðnum tveimur árum frá uppkvaðningu dóms þessa, haldi ákærði almennt skilorð 57. gr. almennra hegningarlaga, sbr. 4. gr. laga nr. 22/1955.

            Þorgeir Ingi Njálsson dómstjóri dæmir mál þetta.

                                                            D ó m s o r ð :

            Ákærði, Gunnar Ásgeir Einarsson, sæti fangelsi í 30 daga, en fresta skal fullnustu refsingarinnar og hún falla niður að liðnum tveimur árum frá uppkvaðningu dóms þessa, haldi ákærði almennt skilorð 57. gr. almennra hegningarlaga nr. 19/1940, sbr. 4. gr. laga nr. 22/1955.

 

                                                                                    Þorgeir Ingi Njálsson

 

 

 

Milljarðar úr sjóðum rétt fyrir fall

Athugasemdir

[Helga Kristjánsdóttir, 26.2.2009 kl. 03:24]

Þeir voru ekki lengi að dæma drengi til vistunar að Breiðavík,fyrir búðarhnupl. Skilst að ríkisstjórnin sé að borga þeim bætur fyrir,sem þannig voru hnepptir í ánauð,fyrir mörgim árum.   Þannig ´meðferð liðist ekki í dag.