Stofufangelsið Ísland

 

Ísland er orðið að einu stóru stofufangelsi.

Hinn almenni borgari hefur verið dæmdur til að sitja inni. Hann veit bara ekki upp á hve langan tíma dómurinn hljóðar.

Eignir hins almenna borgara liggja yfirleitt í húsnæði, bifreiðum og einhverjum sparnaði.

Húsnæði er nánast óseljanlegt; auk þess sem það er að falla í verði og engin veit hvenær því linnir. Bifreiðar hafa fallið í verði og eru nánast óseljanlegar. Sparnaður stórs hluta þjóðarinnar rýrnaði gífurlega við fall bankanna. Að lokum hefur fall bankanna leitt til þess að hver einasti þjóðfélagsþegn hefur í raun fengið greiðsluseðill sendan heim. Höfuðstóll ca 5 milj og vextir reiknast frá gjalddaga.

Þeir sem enn eiga eitthvað eftir hamfarirnar komast ekki af landi brott með eigur sínar. Vegna gjaldeyrishaftanna er ekki hægt að skipta krónum í erlenda mynt nema að takmörkuðu leiti og senda umsókn til Seðlabankans.

Erlendir bankar og fjárfestingasjóðir sem áður trúðu á Ísland hafa einnig verið dæmdir til að sitja í stofufangelsinu Íslandi. Þeir eiga um 600 miljarða í krónubréfum og geta ekki skipt krónunum í erlenda mynt vegna gjaldeyrishaftanna. Engin getur svarað hve lengi þeir þurfa að sitja inni.  Ekki ósvipað þeim ólukku mönnum sem fyrir 7 árum var komið fyrir á Guantanamo á Kúpu.

Kaupfélag austur á fjörðum fékk samkeppni á staðinn fyrir nokkrum áratugum síðan þ.s. einstaklingi datt í hug að opna verzlun. Hjá Kaupfélaginu vann þorri íbúa staðarins þ.s. Kaupfélagið átti nánast allt á staðnum þ.á.m. frystihúsið. Kaupfélagið greyp þá til þess ráðs að greiða fólki út í Kaupfélagskrónum. Þær var ekki hægt að nota nema bara í Kaupfélaginu. Ekki liðu nema nokkrar vikur þar til samkeppnisaðilinn varð gjaldþrota.

Í okkar stóra stofufangelsi eru notaðar Kaupfélagskrónur og þær er ekki hægt að nota annars staðar en á Íslandi.

Athugasemdir

[Helga Kristjánsdóttir, 14.1.2009 kl. 19:09]

Þetta er góð samlílking,kaupfélagskrónur voru orðnar afar óvinsælarenda flest kaupfélög liðin undir lok.Það minnisstæðasta eru nú ekki svo ýkja gamalt,þar sem elskuleg vinkona okkar var KF.stjóri,Hulda heitin Pétursdóttir,Borgarholtsbraut. Ég trúi á þá Íslendinga sem eru að klekjast út,sem fullorðnir alvöru stjórnmálamenn,ekki til að komast í þægileg sæti,heldur vinna af hugsjón.